الشروط القانونية
آخر تحديث: حزيران 2026
تنطبق عند تقديم ميسوبو تكامل بوابات دفع أو onboarding تجاري أو خدمات حساب فرعي ضمن اتفاقياتنا الرئيسية مع البنوك ومزودي الدفع. تكمّل الشروط والأحكام العامة وأي اتفاق عمل موقع.
إذا كانت شركة الدفع تسمح، نفتحلك حساب تجاري فرعي لمشروعك ضمن حساب ميسوبو الرئيسي. هذا يتطلب مستندات إثبات هوية وتسجيل الشركة (KYC). الفلوس اللي تجيك ممكن تنحجز مؤقتاً أو تتحول حسب شروط شركة الدفع قبل ما نسحبها لحسابك البنكي أو محفظتك الإلكترونية.
تكدر تطلب سحب الفلوس المتوفرة بحسابك للمحفظة أو البنك المربوط، حسب فترات التسوية والتحقق لشركات الدفع. ممكن نأخر أو نرفض السحب إذا صار شك باحتيال، أو استرجاع أموال (Chargebacks)، أو أي مخالفات ثانية. وتكون مسؤول تماماً عن صحة أرقام حسابات الدفع مالتك.
ميسوبو تاخذ أجور خدمة 2% على كل عملية سحب تسويها من حسابك الفرعي. تنخصم هاي النسبة عند السحب وهي مالها علاقة بعمولات البنك أو بوابات الدفع أو شبكات كارتات الدفع. مثلاً: إذا سحبت 1,000,000 دينار عراقي، عمولة ميسوبو تكون 20,000 دينار، قبل خصم عمولة البوابة. نثبت هاي العمولات وياك كتابياً قبل ما نشغل المتجر.
وقت تحويل الفلوس وتصفيتها يعتمد على بوابة الدفع نفسها. ندزلك تقارير واضحة عن كل المبيعات والسحوبات. لازم تطابق هاي الأرقام ويا حساباتك وتكلنا إذا شفت أي فرق.
لازم تلتزم بقوانين مكافحة غسيل الأموال وشروط شركات الدفع. أي نشاط ممنوع راح يخلينا نلغي الحساب فوراً. وتتحمل كامل المسؤولية عن أي خسائر تصير بسبب استخدام الحساب بأمور ممنوعة.
لأي سؤال عن خدمات الدفع راسلنا على: info@mesopo.net أو احجي ويا مدير مشروعك بميسوبو.
عندك سؤال عن الشروط والسياسات؟ إحنا بالخدمة نوضحلك كلشي.
